ჩვენს შესახებ
ფინანსური მომსახურება თანამედროვე ადამიანებისთვის.
ჩვენს დროში, როდესაც წარმატება ხშირად სწრაფ გადაწყვეტილებებზეა დამოკიდებული, ფინანსური სერვისების ხელმისაწვდომობა აუცილებელ საჭიროებად იქცა.
Სვის კაპიტალის გუნდმა მომსახურების მთავარ მახასიათებლად სისწრაფე, სიმარტივე და პროფესიონალიზმი დავისახეთ. 2010 წლიდან, ვქმნით ახალ გზებსა და შესაძლებლობებს, რომ ხელი შევუწყოთ როგორც ინდივიდუალურ მომხმარებლებს, ასევე მცირე და მიკრო ბიზნესს - მათ შორის თვითდასაქმებულებსა და საოჯახო ბიზნესებს, პირადი ფინანსების მართვასა და საქმიანი მიზნების მიღწევაში.
Სვის კაპიტალის მისიაა მომხმარებელთა კეთილდღეობის გაუმჯობესება მარტივი, სწრაფი და ინოვაციური ფინანსური გადაწყვეტილებებით.
ვქმნით ფინანსურ სივრცეს, სადაც ყველაფერი ერთად არის თავმოყრილი - საჭიროება, გადაწყვეტა და სერვისი. ჩვენი მიზანია გავხდეთ უნივერსალური საფინანსო ორგანიზაცია და მომხმარებლისთვის, ონლაინ თუ ფიზიკურ სივრცეებში, მარტივად და უსაფრთხოდ უზრუნველვყოთ ყველა მნიშვნელოვან ფინანსურ სერვისზე წვდომა.
ვაშენებთ მომავალს, სადაც ფინანსური სერვისები მდგრად განვითარებას ემსახურება - ვზრუნავთ გარემოზე, მხარს ვუჭერთ მოქალაქეებს და გულმოდგინედ ვითვალისწინებთ პასუხისმგებლიანი მართვის პრინციპებს.
ჩვენი ისტორია
2010 წელი
სვის კაპიტალის დაარსება
დაარსდა მიკროსაფინანსო ორგანიზაცია სვის კაპიტალი, რეგულირებული ეროვნული ბანკის მიერ.
2018 წელი
საერთაშორისო საკრედიტო რეიტინგები და კორპორატიული ობლიგაციები
Fitch (2018-19) და Scope (2020-21) რეიტინგების მიღება; პირველად და წარმატებით გამოშვებული 10 მლნ ლარის კორპორატიული ობლიგაციები 2018 წელს.
2019 წელი
MSES ბიზნეს სესხების პროდუქტის დანერგვა
კომპანიას შემოუერთდა გამოცდილი სპეციალისტების გუნდი და დაინერგა ბიზნესის განვითარებისთვის სწრაფი და მოქნილი ფინანსური გადაწყვეტები, მცირე და მიკრო მეწარმეებისთვის.
2019 წელი
ოქროს ლომბარდის პროდუქტის დანერგვა
სვის კაპიტალი ოქროთი უზრუნველყოფილი სესხების ბაზარზე დიდი სასესხო პორტფელის შეძენით შევიდა. Მოკლე დროში, სვის კაპიტალი გახდა სეგმენტის წამყვანი მოთამაშე მასშტაბური გეოგრაფიული დაფარვითა და სესხის კონკურენტუნარიანი პირობებით.
2020 წელი
არასაკრედიტო პროდუქტების დანერგვა
ქსელში ემატება ვალუტის კონვერტაციისა და სწრაფი ფულადი გზავნილების სერვისები.
2021 წელი
ფინანსური განათლების ხელშეწყობა
სვის კაპიტალი თანამშრომლობს საქართველოს ეროვნული ბანკის ფინანსური განათლების პორტალთან სხვადასხვა პროექტის ფარგლებში, რათა ხელი შეუწყოს ფინანსური განათლების გავრცელებას ქართულ საზოგადოებაში.
2021 წელი
ციფრული ტრანსფორმაციის დასაწყისი
Swiss Capital-მა შექმნა კლიენტის ონლაინ კაბინეტი, რომელიც მომხმარებელს აძლევს საშუალებას, გაიარონ იდენტიფიკაცია-ვერიფიკაციის პროცესი ფილიალში ვიზიტის გარეშე და დისტანციურად დაიმტკიცონ სასურველი თანხა. Შეიქმნა ვებპორტალი my.swisscapital.ge, რასაც 2022 წელს მოჰყვა scapp მობილური აპლიკაცია.
2023 წელი
დაფინანსების მიღება EMF Microfinance Fund AGMVK-ისგან
პირველად კომპანიის ისტორიაში, სს სვის კაპიტალი იღებს არაუზრუნველყოფილ დაფინანსებას ორგანიზაციისგან, რომელიც მუშაობს მსოფლიოს მასშტაბით ბანკებსა და მიკროსაფინანსო ორგანიზაციებში ინვესტირებაზე.
2023 წელი
პირველი სრულად დისტანციური პროდუქტი - ციფრული ავტო სესხი
სვის კაპიტალი ერთგული მომხმარებლებს საშუალებას აძლევს, გამოიყენონ საკრედიტო ლიმიტი ფილიალში ვიზიტის გარეშე. სესხის პროცესი, მათ შორის ავტომობილის შემოწმება და სესხის ხელშეკრულების გაფორმება, სრულად ონლაინ რეჟიმში ხორციელდება scapp მობილური აპლიკაციის გამოყენებით.
2024 წელი
ფილიალების ქსელის გაფართოება ბიზნესის მხარდასაჭერად
ფილიალების ქსელი ფართოვდება იმ რეგიონებში, სადაც აგრარულ და სატრანსპორტო სექტორებს ძლიერი წარმომადგენლობა აქვთ. ახალი მომსახურების ცენტრები გაიხსნა ახალციხესა და ფოთში, ხოლო თბილისში ქსელს შეემატა ორი ახალი ფილიალი სრული პროდუქტის პორტფელით.
სვის კაპიტალის სტრატეგია
უნივერსალური ფინანსური ინსტიტუტი
ჩვენი მიზანია, საქართველოს მოსახლეობისთვის ფინანსური სერვისები გავხადოთ მარტივი, სწრაფი და ხელმისაწვდომი. ამ მიზნით, მუდმივად ვაფართოვებთ საკრედიტო და არასაკრედიტო პროდუქტების არჩევანს, ვზრდით ფილიალების რაოდენობას და ვავითარებთ დისტანციურ მომსახურებებს. განსაკუთრებულ ყურადღებას კი ვუთმობთ მცირე ბიზნესების, თვითდასაქმებულებისა და საოჯახო საწარმოების მხარდაჭერას.
ციფრული ტრანფორმაცია
ჩვენ ვქმნით ციფრულ ეკოსისტემას, რომელიც მომხმარებლებს საშუალებას აძლევს ფინანსური სერვისები სწრაფად და მარტივად მიიღონ. ოპერაციული პროცესების და მომსახურების გაციფრულება საშუალებას მოგვცემს, მომხმარებელთა 45%-ი მომდევნო ხუთი წლის განმავლობაში დისტანციურ მომსახურებაზე გადავიყვანოთ - შეგიქმნათ მეტი კომფორტი და დავზოგოთ თქვენი დრო.
ჯანსაღი და უსაფრთხო სამუშაო გარემო
ჩვენთვის პრიორიტეტია თანამშრომლების უსაფრთხოება, თანასწორობა და ურთიერთპატივისცემა. ვქმნით ინკლუზიურ გარემოს, სადაც თითოეულ თანამშრომელს აქვს თანაბარი შესაძლებლობა, სამართლიანი ანაზღაურება და შესაბამისი მხარდაჭერა პროფესიული განვითარებისათვის. ჩვენი მიზანია, თითოეულმა თანამშრომელმა იგრძნოს საკუთარი მნიშვნელობა და იყოს მოტივირებული საერთო წარმატების მისაღწევად.
პასუხისმგებლიანი ბიზნესი
სვის კაპიტალი მრავალი წელია ხელმძღვანელობს გამჭვირვალე და სამართლიანი ურთიერთობის პრინციპებით. ეს კი მომხმარებელთა მაღალი ნდობის საფუძველი გახდა. შესაბამისად, ჩვენი მიზანია, რომ კიდევ უფრო გავიზარდოთ როგორც პასუხისმგებლიანი ბიზნესი, რომელიც მხარს უჭერს მდგრადი განვითარების პრინციპებს და მოქმედებს მაღალი მმართველობითი სტანდარტების შესაბამისად. გვჯერა, რომ ამ გზით დადებითი გავლენის მოხდენა შეგვიძლია საზოგადოების ეკონომიკურ კეთილდღეობაზე.
დაინტერესდი ჩვენით?
გაიგე მეტი ჩვენს შესახებ – გაეცანი ჩვენს სერვისებს ან იპოვე შენთვის საინტერესო ვაკანტური პოზიცია სვის კაპიტალის გუნდში.